تسويق منتجاتك على أكتر من منصة
ديسمبر 17, 2018
تحسين محركات البحث وموقعك
يناير 2, 2019
Show all

تحسين محركات البحث

Search Engine Optimization

كتير من المستخدمين بيدوروا على حاجتهم في محركات البحث، مثل جوجل Google وياهو Yahoo وغيرهم، ودايمًا المستهلكين بيستسهلوا الدخول على أول موقع يظهر ويكون مرتبط باللي عايزينه. طب ازاي يظهر موقع شركتك أو منتجك أن أول نتيجة؟!

ده اللي حنتكلم عنه في السطور التالية.

تحسين محركات البحث:

منتجك أو شركتك ممكن يظهروا في أول نتايج محركات البحث عبر أداة اسمها “تحسين محركات البحث أو Search Engine Optimization”، واللي تُعرف اختصارًا بال”سيو SEO”، وهي عبارة عن عدة خطوات وإجراءات بيظهر عن طريقها موقعك في ترتيب قدام في نتايج البحث، عن طريق جعل الموقع متوافق مع متطلبات محرك البحث. ومن المعروف أن زيادة عدد زوار موقعك الإلكتروني بتزيد من فرص بيع منتجك؛ عشان كده كتير من المنتجين بيهتموا بصورة كبية بالعمل على ظهور مواقعهم في أولى نتايج البحث.

كيف يعمل السيو؟

 

لكل محرك بحث متطلبات عشان الموقع يظهر في ترتيب متقدم، السيو شغلته انه يجعل موقعك متوافق مع المتطلبات ديه. والسيو بيبدأ باختيار اسم مناسب للموقع، فطول ما في ارتباط أكبر بين اسم الموقع وموضوعه ومحتواه، حتزيد نسبة ظهور الموقع في المراتب الأولى لمحركات البحث.

كمان وجود خريطة في موقعك، ووجود تبويبات محددة بيساعد محركات البحث على البحث في موقعك، وبالتالي ظهور النتايج المتوافقة مع بحث المستهلكين.

ممكن برضه عن طريق تحليل كلمات البحث في نطاق جغرافي معين تحديد الكلمات المفتاحية Key-words، وبالتالي تضمينها في موقعك، علشان تساعد في زيادة نسبة ترتيبه في موقع متقدم.

الأهم من ده، هو أن يكون لك محتوى حصري على الموقع الإلكترني الخاص بيك، والمحتوى الحصري ده بيتيح لك ضمان ظهور موقعك في بداية نتايج محركات البحث، لإن مفيش موقع اتكلم في الموضوع غير موقعك الإلكتروني.

ومن المهم تكون عارف إن طريقة عمل السيو بتختلف من شخص للتاني، فكل شيخ وله طريقته! المهم أن يضمن لك ظهور موقعك في البداية. وطبعًا للخبرة في السيو تأثير مذهل، لإنها بتجعل المبرمج على دراية بطرق السيو الأكثر نجاح ومردود.

أنواع السيو:

فيه نوعين رئيسيين للسيو:

  1. سيو القبعات البيضاء White Hats: وده تعبير بيطللق على استخدام كل الوسائل الشرعية لتحسين ظهور موقعك، عن طريق تحسين المحتوى وضبط الموقع داخليًا واكتساب الروابط الخلفية السليمة.
  2. سيو القبعات السوداء Black Hats: وده تعبير بيدل على استخدام الوسائل غير الشرعية لتحسين السيو الخاص بموقعك، عن طريق الحصول على أكبر عدد من الروابط الخلفية بهدف التحايل على نتايج البحث.

جوجل الفترة الأخيرة عمل تحديث لمتطلباته عشان يتجنب تأثير القبعات السوداء على نتائج البحث.

 

 

نصائح للسيو الناجح:

السيو مش معناه تكرار كلمة مفتاحية في محتواك بصورة عشوائية؛ لإنه حسب جوجل، ده بيقلل نسبة ظهور الموقع، وبيقلل فعالية السيو.

وبدل التكرار، ممكن تضيف الوسوم، خاصة وسوم الصور داخل موقعك، ده غير المحتوى الحصري والمتميز.

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *